LA STASSION AD PORTA GARIBALDI

 

 

Taca 'l Macèl, dapûs ai mür spagnö,

 gh'è na stassion ch'l'è grossa me 'n giüghèt

 cun un büsgòt par vendagh i bigliet

 a quai ca và a Belgiûs e Miradô.

 

A vedla cucià giù tüta genà,

asema ai solit quatar viagiatur

chi spetan un masnin ca và a vapur,

par fin ch'la g'ha vargogna dla cità.

 

La fà gni in ment un mond luntan urmai;

ad quand, ma 's senta dì 'mmò da i ansian,

par tirà sü i calson fina 'l butan,

g'andava la ruclela e gh'ér da dai.

 

Adess al temp al và me na s'ciuptà,

gh'è sempar la pagüra 'd rivà tardi,

ma in cò dla rampa 'd Porta Garibaldi

gh'è na stassion inde ch'al s'è fermà.

 

 

 

Angelo Gambini